Lettres de l'achat des dismes de Glaigne.

A tous ceux qui ces presentes lettres verront et orront. Symons de Sarmoise1 à ce temps prevos de Crespi en Valois et Guillaumes diz Yaue crasse bourgeois de Crespi, a temps garde dou grant seel de ladite prevosté de par notre Seigneur le Conte de Valois, salut en notre Seigneur. Sachent tuit que pardevant nous comme pardevant justice pour y ce faire et accorder vindrent en leurs propres personnes, Pierre diz de Fayel escuyers et damoiselle Agathe sa femme demourans a ce temps a Glangne2 et li quex Pierre donna congié povoir et authorité devant nous de ce faire, et recognurent et affermerent en droit pardevant nous de leurs bonne volenté non contraint que il, pour leur commun pour fit, avoient et ont vendu par loial vente faite a touz jours perpetuellement et sans rapel quittée octroyé du tout en tout et de laissée a religieuses dames et honestes l'abbeesse et le couvent de l'eglise de Notre-Dame de Morgneval en la diocèze de Soissons. C'est a scavoir tout le droit, l'action, seignourie et propriété que il avoient et povoient avoir en une dixme laquele siet a Glaigne si comme ils disoient et laquele disme partit a ladite abbeesse et au couvent et muet de ladite abbeesse et couvent a trois deniers neres3 de cens, paians chascun an : laquele vente fu et est faite pour le prix de vint livres parisis fors lars quittez ja, payez et livrés az diz vendeurs en bonne monoie sans nul deffaut et dont ils se tindrent pour bien payez tout a plein pardevant nous et en quitterent ladite acheteresse et le couvent et toux ceus qui poiroient avoir cause de eulz bonnement à touz jours et sans rapel et recognurent encore li dit vendeurs que de la disme et de tout le droit que il y avoient et povoient avoir il s'en estoient devestu et dessaisi en la main de ladite abbeesse et couvent comme tresfonciere et encore s'en dessaississoient-il en notre main comme en main souveraine et que ladite abbeesse et couvent en fussent saisi et revestu tant par leur main comme par le bail de ces presentes lettres et par title de vente et promittrent le dit vendeur pardevant nous par leur loial creant et chascun pour le tout et seur amende que contre la vente et quittance devant dite ne venront ne venir ne feront ne debat ne empeschement, nul ni mettront ne ne feront mettre par eulz ne par autre par nul droit de hiretage de succession de pere ou de mere ou d'autre charnex amis par raison de conquest, de douaire, de don de noces ou d'autre part nul droit que ce soit puist estre ou ait esté commun ou especial a nul jour. Aincois des ore mais en avant, ladite vente et quittance devant dite tenront, garderont, delivreront et en porteront bonne garandise et loial a ladite abbeesse et a ceus qui aront cause de li et dou couvent a touz jours envers tous et contre tous et avec ce ils rendront tous cous, dommages et despens se aucuns en y avoit par deffaut de leur garandise, des quiex et dont ils se tindrent bien payez tout a plein pardevant nous et en quittèrent ladite acheteresse et le couvent et touz ceux qui poiroient avoir cause de eulz bonnement à touz jours et sans rapel, recognurent encore li dit vendeurs que de la disme et de tout le droit que il avoient et povoient avoir il s'en estoient devestu et dessaisi en la main de ladite abbeesse et Couvent comme trefonciere et encore s'en dessaississoient-il en notre main comme en main souveraine et que ladite abbeesse et Couvent en fussent saisi et revestu tant par leur main comme par le bail de ces presentes lettres et par title de vente et promittrent ledit vendeur pardevant nous par leur loial creant et chascuns pour le tout et seur amende que contre la vente et quittance dite ne venront ne venir ne feront ne debat ne empeschement nul ni metteront ne ne feront mettre par eulz ne par autre par nul droit de hiretage de succession de pere ou de mere ou d'autre charnex amis par raison de conquest de douaire de don de noces ou d'autre par nul droit que ce soit puist estre ou ait esté commun ou especial a nul jour. Aincois desore mais en avant ladite vente et quittance devant dite tenront, garderont, délivreront et en porteront bonne garandise et loial a ladite abbeesse et a ceux qui aront cause de li et dou Couvent à touz jours envers tous et conte tous et avec ce ils rendront tous cous damages et despens se aucuns en y avoit par deffaut de leur garandise des quiex li porteres de ces lettres sera creuz par tout par son simple sairement sans autre presve faire en contre et quant à ce qui est devant dit tenir garder acomplir et non contrevenir en obligerent devant nous li dit vendeur et laisserent pour obligez et chascuns par le tout envers les dits acheteurs ou le porteur de ces lettres et souzmistrent à la jurisdiction de la Prevoté de Crespi et en quelque destroit il se transportent et soient demourans sanz autre seigneur avouer ne requerre pour eulx ne pour leurs hoirs, leurs cors a mettre et tenir en prison fermée touz leurs hoirs, leurs biens et leurs biens de leurs hoirs muebles non muebles presens et futurs ou que ils soient et puissent etre trouvez tout a penre, saisir et arrêter pour tout vendre et despendre de par notre seigneur le conte ou de par quelque justice il plairoit miex au porteur de ses lettres pour enterriner le fait qui ci est contenus se deffaut y avoit, renonçans devant nous li dit vendeurs don tout en y ce fait expressement a toute aide de fait de droit de canon et citoyen a exception de fraude de mal circonvention à la vente devant dite non avoir été autrement faite, a tous privileges de crois à toutes graces donnez et a donner, au droit qui dit que general renonciation ne vaut rien et a tout ce qui leurs porroit valoir et aidier a destruire le fait qui ci est contenus. En tesmoing de ce, nous, à la requeste des dits vendeurs avons seelleez ces presentes lettres des seaulz de ladite Prevoté sauf tous droits. Ce fu fait en l'an de grace MCCCXIII le vendredy après la Trinité, au mois de juing.