XIII. De l'ofice au conte1.
§ 1.
L'ofice de conte est de conseller le roi au bone foi, et de lui aider ses guerres à maintenir. — Contes a en ses terres en la conté sa jostice, sau le roi qui est par dessus ; ne li rois ne li doit pas sorbir sa jostice, tant comme il fait droit. Li rois puet ce amender. — Conte [p. 67] puet son serf franchir et fere grâce à larron et à murtrier, sauf le grié as amis au mort. Et se aucuns contes (muert), son filz li annez tient de la conté.
§ 2.
Contes a en sa terre toutes seignories, sauf la dignité le roi, et sau ce que autres i a par droite cause.
