XVIII. De l'ofice au meor1.

§ 1.

[p. 69] L'ofice au meor si est tex que il doit fere les semonses au seignors, et puet tenir toz petiz plez, où il n'a que V sols d'amende et XX deners de clamor, lesquex V sols et XX deners sunt siens. Et sunt sien li arbre des chemins chéez, et les choses en la rive des eues, jusque eles éent trové leur mestre, c'est à savoir, merrein et tex menues choses. — Et autretex est l'ofice de vaerie.