Jehan de Lieux donne sa maison à l'Hôtel-Dieu en reconnaissance des soins qu'il y a reçus

Universis p. l. i. Vicarius Rothomagensis archiepiscopi in Pontisara et in Vulgassino Francie s. in D. Noveritis quod in nostra presencia personaliter coustitutus Johannes dictus de Locis asserens se in Domo Dei Pontisare, adversa valetudine diù fuisse detentum et in dicta Domo tempore passionis dicte infirmitatis, multa bona ampla et quasi innumerabilia de bonis dicte Domus a Deo collatis habuisse, nec se habere ad plenum de quo super dictis curialitatibus dicte Domui possit remunerare. Volens tanem facere ad presens saltim quod potest, predicte Domui, magistro, priorisse, fratribus et sororibus ejusdem Domus, quandam domum quam dicebat se possidere tanquam suam sitam in dicta villa Pontisare, in vico qui vocatur vicus de Ponte, juxta domum eorum magistri et fratrum, que domus vulgaliter appellatur Midi, ex una parte, et juxta gradus per quos itur ad Sanctum Andream de Pontisara ex altera, sub censiva seu dominio Communitatis Pontisare et prioris Sancti Martini de Campis Parisiensis, in recompensationem dictorum bonorum dedit contulit et concessit... ita quod super residuo dictarum curialitatum in dicta Domo Dei sibi collatarum, quod sua non inopia, hoc supleat Salvatoris munificencia... Datum anno Domini Mº CCº nonagesimo primo, die veneris post Assumptionem Beate Marie Virginis .