Vente de cens sur des maisons à Paris, en la verrerie et rue aux Juifs.

A touz ceux qui ces lettres verront Jehan de Marle garde de la prevosté de Paris, salut. Nous faisons a savoir que pardevant nous vindrent Jehan le Bailli le Vieil, armeurier de Paris, et Agnes sa fame, affermerent que de par ladite Agnes ils prenoient chascun an quarante et deus solz de parisis de croiz de cens chascun an de rente, tantost empres fonz de terre, sur trois mesons assises à Paris, c'est a savoir sur lune qui est assise en la Verrerie entre la Meson Jeufroi de Montlignon et la meson Robert de Lespoisse talemelier, en la censive Nostre Segneur le Roy, dis et huit solz ; et sur deus mesons entretenanz assises en la rue aux Juys, au deus portes, entre la dite meson dudit Robert et la meson de l'Ostel Dieu de Pontoise en ladite censive sur chascune dicelles douze sols... les quex quarante & deus solz par... icelui Jehan le Bailli et Agnes sa fame reconnurent avoir vendu... desorendroit à touz jours au maistre... et au seurs de la Meson Dieu de Pontoise... pour le pris de vint et huit libres de parisis ja paiées au dis vendeeurs en peccune nombrée... au us et aus coustumes de Paris... renoncanz... especialement ladite Agnes a lepitre du Senat Velleyen et Diviadien (sic) acertenée en la faveur des fames. En temoing de ce Nous avons mis en ces lettres le seel de la prevosté de Paris lan de grace mil CCº quatre vinz et onze, le diemenche apres la Saint Climent (signé) Huede.