Foy et hommage de la seigneurie de Lévis par Jacques de Crussol.

Charles, par la grâce de Dieu, Roy de France, à nos amez et féaux gens de nos comptes, etc. ..... Sçavoir vous faisons que nostre amé et féal conseiller et chambellan, Jacques de Crussol, seigneur dudit lieu et de Lévis, nous a aujourd'huy fait, ès main de nostre amé et féal chancelier, les foy et hommage que tenu nous estoit de faire à cause de sa dite terre et seigneurie de Lévis, ses appartenances et deppendances, tenue et mouvante de nous à cause de nostre couronne ; à quoy nous l'avons receu sauf nostre droit et l'autruy. Si vous mandons, etc., que pour cause dudit hommage à nous non fait, vous ne faites, mettez ou donnez à nostre dit conseiller et chambellan aucun destourbier ou empeschement en sadite terre et seigneurie, ne autres ses biens ; ains, sadite terre de Lévis, appartenances et appendances d'icelle, se sont ou estoient pour ce prins, saisis et mis en nostre main, mettez les luy ou faites mettre incontinent et sans délay à pleine délivrance, pourveu que nostre dit conseiller et chambellan baille par escrit, dedans temps deu, son dénombrement et adveu et qu'il fera et payera les autres droits et devoirs, s'aucuns en sont pour ce deubz, se faits ou payez ne les a. Donné à Melun, le 6^e jour de décembre, l'an de grâce [1563] et de nostre règne le troisième.