XVII. De avenir à prandre en sa terre por son droit, quant il n'i puet avenir que par autrui terre.
§ 1.
L'en dit ci : Se ge ai ma terre dont la jostice soit moie de la propriété, que totes les foiz qu'il ne vodra fere vers moi ce qu'il devra, comme vers son seignor, ge puis deffendre les choses. Et s'il i a fruit qui périssent, et il set défaillanz qu'il ne face ce qu'il devra, je puis les fruiz coillir et metre en sauve main.
§ 2.
Or demende l'en se l'en puet entrer que par autre seignorie por prendre en sa terre, que l'en puet par aillors, se l'en i prandra ? Et l'en dit que oïl, par le congié au seignor de la chose. Et se li sires non vest soffrir, l'en doit aler à la grant jostice ; et la grant jotice doit fere délivrer voie.
§ 3.
Se aucuns dit que il a paé ses relevoisons, et ses sires dit que non a, et ce et (est) dedenz l'an, et fin set queneue : cil qui dit qu'il a paié, ne sera pas quites par sa prove que de cinq sols et de mens ; et dou sorplus, par deus tesmoinz et par li.
