Ph[ilippus], Dei gratia Aurelianensis episcopus, omnibus presentes litteras inspecturis salutem in Domino. Universitati vestrenotum facimus Ludovicum de Augervilla militem et uxorem ejus Aaleis totam decimam suam tam vini quam bladi quam in parrochia de Montegniaco, ad locum qui Moncellus dicitur, possidebant, Aurelianensi capitulo pro octoginta libris parisiensibus titulo pignoris obligasse, fide corporatiter prestita quod decimam illam bona fide capitulo garendient nominato. Odo vero miles, qui Maleserbes cognomine vocitatur, de cujus feodo dicta movet decima, hanc obligationem illius decime dicto factam capitulo, coram nobis penitus approbavit, de garendienda memorata decima capitulo pretaxato fide data plegium se concedens. Thomas etiam de Maucrepon miles, in nostra presentia constitutus, de prescripta decima sepefato capitulo garendienda fide similiter interposita plegium se concessit. Preter hec autem, prelibatus Ludovicus super garendienda prelibato capitulo decima sepedicta, totum feodi sui residuum quod in predicta parrochia de Montegniaco possidet in contraplegium obligavit. Quod ut notum et ratum habeatur, presentes litteras ad petitionem parcium sigilli nostri caractere fecimus roborari. Actum anno gratie MCCXX tercio, die vicesimo marcii.