École des chartes » ELEC » Cartulaires d'Île-de-France » Saint-Spire de Corbeil » Cartulaire » Littera de censu de Vielleruche pro anniversario Petri de Dunjungno.

Littera de censu de Vielleruche pro anniversario Petri de Dunjungno.

  • A Original. Arch. de Saint-Spire, aujourd'hui Arch. dép. Essonne.
  • B Bibl. de Corbeil-Essonnes, ms. 105, cartulaire du XIIIe siècle.
  • a Cartulaire de Saint-Spire de Corbeil au diocèse de Paris, éd. Émile Coüard-Luys, Rambouillet, 1882.
D'après a.

Universis presentes litteras inspecturis Reginaldus de Dunjongno, Aurelianensis ecclesie archidiaconus, in Domino salutem. Universitati vestre notum facimus quod nos concessimus et assignavimus ecclesie Sancti Exuperii Corboliensis decem solidos annui redditus in censu nostro de Vielleruche, singulis annis percipiendos, hiis qui personaliter intererunt anniversario pro anima Petri de Dunjongno, militis, quondam patris nostri, in dicta ecclesia annuatim faciendo. Volumus eciam quod, nisi supradicti decem solidi soluti fuerint eidem ecclesie die superius assignata, quicumque fuerit dominus supradicti census pro tempore singulis diebus post dictum terminum nomine pene teneatur solvere supradicte ecclesie duodecim denarios Parisienses quousque supradicti decem solidi fuerint persoluti. Quod ut ratum et inconcussum maneat, presentem paginam sigilli nostri appensione fecimus roborari.

Actum apud Corbolium .