Item de eodem.
- B Bibl. de Corbeil-Essonnes, ms. 105, cartulaire du XIIIe siècle.
- a Cartulaire de Saint-Spire de Corbeil au diocèse de Paris, éd. Émile Coüard-Luys, Rambouillet, 1882.
Universis presentes litteras inspecturis Petrus, Parisiensis ecclesie archidiaconus, salutem in Domino.
Notum facimus quod in nostra presencia constitute domina Petronilla, uxor Johannis de Corciaco, et domicella Agnes, uxor Johannis Rouselli de Escorciaco, armigeri, vendicionem quam dicti Johannes et Johannes Rouselli (?) fecerunt capitulo Beati Exuperii Corboliensis, prout continetur in litteris curie Parisiensis hiis annexis, voluerunt et concesserunt et quitaverunt in perpetuum capitulo supradicto, promittentes, fide data in manu nostra, quod contra vendicionem predictam per se vel per alium non venient in futurum, et quod vendicionem hujusmodi dicto capitulo ad usus et consuetudines Francie garantizabunt, prout continetur in dictis litteris contra omnes.
.
