La lettre de la grange de Bethizi Sainte-Luce. Vente de la grange de Sainte-Lucie à Bethisy, par Guy de la Motte et Béatrix sa mère.
- B Arch. nat., LL 1605, fol. 10.
- a Recueil des chartes de l'abbaye royale de Montmartre, éd. Édouard de Barthélémy, Paris, 1883.
Magister Joannes des Gernis cancellarius et magister Radulfus de Veilli officialis Suessionensis, omnibus presentes litteras inspecturis in Domino salutem. Noverint universi quod in presencia curie Suessionensis constituti Beatrix relicta Philippi de Mota militis defuncti et Guido filius ejus quitaverunt penitus et expresse in perpetuum abbatisse et conventui Montis martirum quicquid juris habebant et quicquid habere poterant in quadam grangia sita apud sanctam Luciam et in terris ad eamdem grangiam pertinentibus, quas terras Guido de Bestisiaco defunctus in vita sua tenuit ad modiationem a dictis abbatissa et conventu sub pensione annua duorum modiorum bladi et trium modiorum avene, et etiam quicquid juris habebant et habere poterant in duobus arpentis terre site in loco qui dicitur Clausus episcopi, que terra vocatur la Vigne, promittentes fide prestita corporali quod in grangia et terris antedictis nichil in posterum reclamabunt, sub ejusdem fidei religione insuper promittentes quod ipsi facient Petrum, Hugonem, Ansoudum, Manassez et Aelidem liberos dicte Beatricis, quamcito ad etatem legitimam pervenerint, ratam habere quitacionem, predictam ; et etiam quitare penitus et in perpetuum fidei impositione grangiam et terras supradictas voluerunt ante dicti Beatrix et Guido et ad hec se obligaverunt ; quod si dictos Petrum, Hugonem, Ansoudum, Manassez et Aelidem non facerent quitacionem predictam ratam habere et quitare omnia supradicta prout superius est expressum, quod ipsi tenebuntur reddere abbatisse et conventui predictis omnia dampna, sumptus et deperdita, si que forte contigerit dictas abbatissam et conventui incurrere per liberos ante dictos occasione grangie et terrarum predictarum, eisdem abbattisse et conventui omnia bona sua ubicumque sint propter hoc in contraplegium obligantes ; recognoverunt autem coram nobis dicti Beatrix et Guido se recepisse a dictis abbatissa et conventu, pro dicta quitacione facienda et aliis supradictis, octo libras Parisiensium in utilitatem suam et liberorum suorum convertendas. In cujus rei testimonium presentes litteras salvo jure domini Suessionensis episcopi, ecclesie Suessionensis et omnium aliorum, sigillo curie Suessionensis fecimus roborari. Actum .
