École des chartes » ELEC » Correspondance d'Antoine Du Bourg » Année 1536 » François Ier à Antoine Du Bourg, François de Tournon et Jean de Laval

François Ier à Antoine Du Bourg, François de Tournon et Jean de Laval

. — Valence

1. Ravitaillement de la garnison de Turin. 2. Ordre de marche vers Embrun donné aux troupes des capitaines René et de Gaudinière.

  • Orig. Arch. nat., J 965, dossier n° 5, pièce n° 12, 20,5 cm x 28,3 cm, papier, 1 page.
[adresse au dos] À messrs les cardinal de Tournon, chancelier et sr de Chasteaubriant.

Messrs,

[1.] J’ay depesché Dessay 1, porteur de cestes, pour aller deviers vous et aussy pour faire et mectre à execution le contenu en ung memoire que je luy ay baillé, lequel il vous communicquera, qui me gardera de vous en dire aultre chose, sinon que je vous prie que, de vostre part, vous vueillez faire dilligenter l’affaire dont il est question, en sorte que, pour tout ce mois pour le plus tard, mes gens de Thurin ayent le reffreschissement que je desire.

[2.] Et donnez ordre au reste de faire dilligenter de marcher les bendes des cappitaines René et de Gaudiniere droict à Ambrun, ainsi que je vous ay par cy devant escript et à vous Monsr de Chasteaubriand pour le leur faire entendre. Et en ce faisant vous me ferez plaisir.

Priant Dieu, Messrs, qu’il vous ayt en sa tres saincte et digne garde.

Escript à Vallence le xiiiime jour d’aoust mil vc xxxvi.

Françoys.

J. Breton.

[note dorsale, d’une écriture contemporaine] Le roy pour le faict du reffreschissement de Thurin.

1 Non identifié formellement. S'agit-il de Adam Deshayes, sieur de Grosbois, premier barbier et valet de chambre du roi ?