École des chartes » ELEC » Correspondance d'Antoine Du Bourg » Année 1536 » François Ier à Antoine Du Bourg

François Ier à Antoine Du Bourg

. — Saint-Vallier

1. Ordre de remettre 10 000 écus au sr d’Allas envoyé à Turin auprès de Claude d’Annebault et de Charles de Coucys et de lui délivrer l’argent nécessaire à son voyage pour qu’il parte au plus vite.

  • Orig. signé et contresigné, Arch. nat., J 965, dossier 5, pièce n° 4, 20,7 cm x 28,7 cm, papier, 1 page.
[adresse au dos] À monsr le chancellier.

Monsr le Chancellier,

[1.] J’ay depesché le sr d’Allas1, porteur de cestes, pour aller en dilligence a Thurin devers les srs d’Ennebault et de Burye et pour les causes et raisons que verrez plus a plain par l’instruction que je luy ay fait bailler. Et pour ce que lesd. srs d’Ennebault et de Burye m’ont mandé par Nouailles2 qu’ilz ont tres grande neccessité d’argent, tant pour le payement de leurs gens de pyé que semblablement de leurs chevaulx legiers, à quoy il est trop plus que requis et neccessaire de pourveoir, à ceste cause, je vous prie, Monsr le Chancelier, que incontinant la presente receue, vous faciez partir avec led. sr d’Allas la somme de dix mil escuz pour icelle estre portee aud. Thurin affin qu’ilz s’en puissent ayder ainsi que contiennent sesd. instructions. Et au surplus, faictes luy bailler argent pour son voyage, à ce qu’il parte promptement pour l’effect dessusd., et ne faillez de me faire savoir quant il sera party. Et vous me ferez plaisir et service trés agreable.

Priant Dieu, Monsr le Chancelier, qu’il vous ayt en sa saincte et digne garde.

Escript à Saint-Vallier le vime jour de aoust mil vc xxxvi.

Françoys.

J. Breton.

[note dorsale, d’une écriture contemporaine] Le roy pour le faict des xm escuz envoyez a Thurin par le sr d’Allas. Signee de la main.

1 S’agit-il de François d’Alès, premier médecin du roi ?
2 Apparemment Antoine, seigneur de Noailles (1504-1562).