L'Abbé de Saint-Germain-des-Prés donne à cens à l'abbaye de Porrois 3 quartiers de vigne à Meudon et à Louveciennes.

Ego Hugo, Dei gratia Sancti germani de Pratis humilis abbas, et totius ejusdem loci conventus, notum facimus tam presentibus quam futuris, non concessisse abbatisse et conventui de Porrois ut liceat eis tenere de nobis ad censum, et in perpetuum sine perturbatione aliqua possidere tres quarterios vinee sitos in territorio de Meudon, et quinque quarterios apud Lovecienes, sub censu duorum solidorum parisiensium quorum sexdecim denarii singulis annis reddentur in octabis Sancti Dyonisii apud Cellam1, priori ejusdem loci, relicti vero octo denari apud Yssiacum, salvis nobis omnibus rebus que de censiva possunt pervenire et debent. Predictis monialibus non licebit dictas vineas dare ad incrementum census. Et si forte eedem vinee extra manus earum aliquo tempore devenerint, idem juris omnino in eis habebimus quod in aliis censivis nostris habemus, et ad dominium nostrum sicut prius erant, sine contradictione revertentur. In cujus rei testimonium presentes litteras sigillorum nostrorum munimine precepimus roborari. Actum anno gracie millesimo ducentesimo decimo septimo, mense augusti.