Accord entre Porrois et Simon Bellepanne sur une terre au Petit Bourras.
- A Arch. nat., S 4519, dossier 1, nº 4. Parchemin avec débris de sceau.
- a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
Omnibus presentes litteras inspecturis Jobannes, dictus de Sancto-Remigio, clericus ballivus nobilissimi domoni Roberti comitis Drocorum et Montisfortis ; et Theobaldus rector ecclesie de Pereto Carnotensis diocesis, salutem in Domino. Notum facimus quod cum contentio verteretur inter Symonem, Sediliam et Aalesiam quondam heredes defuncti Symonis, dicti de Bellepanne ex una parte et religiosas mulieres abbatissam et conventum de Portu Regis, cisterciensis ordinis, parisiensis diocesis, ex altera super quamdam peciam terre continentem novem arpenta aut circiter, sitam ante portam granchie de Aquilina dictarum religiosarum ; quam peciam terre dicte religiose tenent libere et quam dicti Symon, Sedilia et Aalesia dicebant movere de herededitate patris sui ; dicte religiose asserentes et contrario quod non tenebatur eadem terra de illis, cum eam permutassent cum dicto Symone de Belleplana aut ejus heredibus, pro unam peciam terre arabilis continentem circiter novem arpenta in capite ? dictarum religiosarum, in loco qui dicitur Marchesium Pullente, in dominio et censiva Petri Comitis, quam tenent et possident dicti Symon, Sedilia et Aalesia. Tandem dicte partes bonorum gentium consilio, super hanc contentionem spontanei, non coacti, comparentes, dicti Symon, Sedilia et Aalisia coram nobis personaliter, et dicte religiose per procuratorem constitutum compromiserunt in nos, Johannem..... Dicimus in hunc modum quod religiose predicte dictam peciam sitam portam suam de Aquilina tenebant in futurum et dicti Symon, Sedilia et Aalesia, aliam peciam sitam in Marchesio Pullent tenebunt..... In cujus rei testimonium sigillum nostrum presentibus litteris duximus apponendam .
