Jean d'Aunay vend à Porrois pour 140 livres ses droits sur Vaumurier.
- B Bibl. nat. de France, lat. 10997, nº 165.
- a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
Universis presentes litteras inspecturis, officialis curie parisiensis, in Domino salutem. Notum facimus quod in nostra presencia constitutus Johannes armiger de Alneto recognovit se vendidisse, et in perpetuum quitasse abbatisse et conventui de Portu Regis, ordinis cisterciensis, pro septies viginti libris parisiensium, jam sibi solutis quicquid juris, juridictionis et dominii habebat vel habere poterat quocumque modo apud Vallem Mori juxta Portum Regis et in territorio ejusdem ville de Valle Mori in terris, nemoribus, pratis, censibus, domo, redditibus, droituris, hosticiis et rebus omibus aliis quibuscumque, nichil juris, dominii, juridictionis, proprietatis seu possessionis in rebus sibi aut successoribus sui in posterum retinens. Renuncians expresse actioni et exceptioni non numerate, non tradite et non solute pecunie ; promisit enim dictus Joharnnes fide in manu nostra prestita corporali, quod contra venditionem et quitationem hujusmodi per se vel per alios non venient in futurum et quod venditionem predictam dictis abbatisse et conventui garantizabit et liberabit ad usus et consuetudines Francie contra omnes. Petrus vero de Alneto, miles, pater dicti Johannis, et Gazo, armiger, frater dicti Johannis, coram nobis constituti venditionem istam voluerunt et laudaverunt et quitaverunt dictis abbatisse et conventui, in perpectum quicquid juris et dominii habebant vel habere poterant quocumque modo in rebus superius annotatis et de non veniendo contra, fidem in manu nostra corporaliter prestiterunt. .
