Lettre du cardinal Conrad sur les exemptions de dîmes en faveur des Cisterciens et partie de la bulle d'Honorius III du 13 janvier 1219.
- B Bibl. nat. de France, lat. 10997, fol. 109 vº.
- a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
Conradus1 miseratione divina Portuensis et Sancte-Ruffin, episcopus, apostolice sedis legatus, universis sancte matris Ecclesie filiis, abbati Cisterciensi et universis coabbatibus ejus et fratibus sub eodem ordine Deo servientibus, salutem et apostolicam benedictionem. Contingit interdum quod nonnulli propriis incombentes abbatibus dum sanctionum sensum legitimum ad sua vota non habent accomod. superinducunt ad ulterinum intellectum in temporali compendio eternum dispendium non timentes. Sane sicut audivimus quidam suo nimis inherentes ingenio nimium voluntarii concilii generalis interpretes de novalibus post idem concilium acquisitis a vobis intendunt decimas extorquere. Ne super hiis vos contingat indebita molestatione vexari, nos interpretationem illorum intellectui constitutionis predicti concilii super Cisterciensibus decimis edite asserimus peregrinam. In ipsa quidem expresse continetur ut de alienis terris a modo adquirendis si eas propriis manibus aut sumptibus colueritis decimas persolvatis ecclesiis quibus ratione prediorum antea solvebantur. Unde si ad prope positum aciem discretionis excederunt advertentes, nichilominius de quibus novalibus apostolica sedes intelligat indulgentiam super tabulis piis locis concessam non sibi certa novalia nove interpretationis ludibrio fatigarent. Inhibemus igitur auctoritate presentium ut nullus 1 a vobis de novalibus a tempore concilii excultis vel in posterum propriis manibus aut sumptibus excolendis decimas exigere aut extorquere presumat. Nulli ergo omnino hominum liceat hanc paginam nostre inhibitionis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum ejus se noverit incursurum. Datum Laterani . In cujus rei testimonium sigillum nostrum presenti pagine duximus apponendum. Datum apud Comban. .
