Guillaume et Baudouin de Guillerville1 engagent pour 40 livres à Porrois leur dîme de Rotoir à Saint-Escobille.

G.(alterus), Dei gratia Carnotensis episcopus, omnibus ad quos presens scriptum pervenerit, salutem in Domino. Noverit universitas vestra quod Guillermus et Balduinus de Guillervilla, fratres, in nostra presencia constituti, quidquid habebant in decima de Rupturis2 continente duodecim modios seminis, sita in parrochia Sancti Scubiculi, monialibus de Portu Regis pignori obligarunt pro quadraginta libris parisiensis monete, de marcio in marcium redimendum fide ab ipsis in manu nostra corporaliter prestita quod obligationem firmiter observarent. Hanc autem conventionem Gaufridus de Guillervilla, frater dictorum, de cujus feodo movebat decima, concessit et fide prestita manu cepit. Preterea dicti Guillelmus et Balduinus fidejussores constituerunt de hac pactione, Bricium Sancti Scubiculi et Garinum de Guillervilla, qui fide tenentur quod si quis defectus acciderit, tamdiu captionem tenerent apud Carnotum, ad submonitionem nostram, donec inde ad plenum dictis monialibus satisfactum fuisset. Et hoc actum est assensu et voluntate Bricii presbiteri Sancti Scubiculi. Nos autem insuper ad majorem firmitatem predictam obligationem ad petitionem partium, auctoritate presentium et sigilli nostri caractere confirmamus. Datum anno gracie millesimo ducentesimo vicesimo, mense maio.