échange avec l'abbaye de Vaux-de-Cernay.
- B Bibl. nat. de France, lat. 10998, n°27.
- C Copie identique. Bibl. nat. de France, lat. 10998, n°55.
- a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
Universis presentes litteras inspecturis frater Garinus, dictus abbas Vallium Sarnaii, et ejusdem loci conventus, cisterciensis ordinis, Parisiensis dyocesis, salutem in Domino. Notum facimus quod cum haberemus et perciperemus annuatim in abbatia monialium Portus Regis, cisterciensis ordinis, sex sextarios tam mustolii quam avene annui redditus, tres mustolii et tres avene ; quorum sex sextariorum habebamus quatuor ex emptione quam faceremus a Symone de Buxeria, armigero, et duos sextarios ex datione nobis facta a Gaufredo de Buxeria, milite, patre dicti Symonis. Quos siquidem sex sextarios supradicte abbatissa et conventus Portus-Regis debebant dicti Symoni et Gaufrido, patri suo, et antecessoribus eorum unnuatin , pro tota terra que est a capite calceie novi stagni eorumdem monialium usque ad Campum Germeri quam receperant a dicto Symone et patre ipsius et antecessoribus eorumdem ad admodiationem pro tribus sextariis mustolii et tribus avene. Item cum nos haberemus sex solidos et septem denarios censuales annui redditus in dicta abbatia Portus Regis ex venditione dicti Symonis nobis facta, quein censum debebant dicto Symoni pro rebus inferius nominatis ; videlicet pro terra desuper stagnum, quatuor denarios (?), unum denarium, pro muro duos denarios, pro prato et terra inter duos rivos, et prato Hercelini qui vocatur Leschot, duos solidos ; pro esbatamento tres denarios1. Nos autem abbas et conventus supradicti, pensata utilitate domus nostre, vendidimus abbatisse et conventui Portus regis quatuor sextarios duos mustolii et duos avene de sex sextariis supradictis. Ita tamen quod alios sextarios, unum mustolii et unum avene teneantur reddere pro nobis priori D. Castrifortis et prioratui ejusdem monachis abbatie Sancti Petri de Burgolio. Insuper vendidimus a. et c. Portus-Regis sex solidos et septem denarios annui census quos in eadem abbatia habebamus prout superius est expressum. Habuimus et recepimus, nomine venditionis triginta libras parisiensium in pecunia numerata. Renunciantes..... Promittentes..... In cujus rei testimonium presentes litteras sigilli nostri munimine roboravimus. Actum .
