Guillaume Philippi engage sa dime de Sainte-Escobille à l'église Sainte-Croix d'étampes.
- B Bibl. nat. de France, lat. 10997, nº 39.
- a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
Galterus, divina permissione Carnotensis ecclesie minister humilis, omnibus presentes litteras inspecturis, salutem in Domino. Noveritis quod Guillelmus Philippi invadiavit pro quadraginta libris parisiensium capitulo Sancte Crucis de Stampis, quinque modios et dimidium ybernagii in decima sua sita in territorio de Balliunvilla et de Rutuariis, salvo jure nostro in omnibus, consentiente presbitero Sancti Scubiculi in cujus parrochia sita est decima supradicta. Ita videlicet quod predictus Guillelmus, dictam decimam, solutis dictis quadraginta libris, de marcio in marcium redimere poterit. Gaufridus Philippi istud voluit et concessit, de cujus feodo erat dicta decima, fide prestita corporali se plegium obligavit. Hujus rei tenende et garantizande, Reginaldus de Villers et Garinus de Guillervilla et Thomas de Centeingnonvilla et predictus Gaufridus Philippi fide sua in manu nostra prestita plegios obligaverant. Nos vero istud voluimus et laudavimus et ad petitionem partium litteras istas fecimus roboravi. Actum .
