Hugues de Jouy lègue un quartier de vigne au val de Meudon
- B Bibl. nat. de France, lat. 10997, nº 122.
- a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
Ego Hugo de Joiaco, miles, notum facio universis presentes litteras inspecturis quod ego de voluntate Margarite, uxoris mee, ob remedium anime mee et dicte Margarete et aliorum amicorum meorum dedi in puram et perpetuam elemosinam abbatie Portus Regis unum quarterium vinee situm in valle de Medunno, contiguum vineis dicte abbatie, post decessum nostrum. Quemcumque vero nostrum prius decedere contigerit volo et concedo quod dicte moniales percipient totum dictum quarterium sine contradictione alterius superviventis libere pacifice et quiete. Quod ut ratum et firmum permaneat presentes litteras sigilli mei munimine roboravi. Actum apud Aquas Mortuas .
