Achat à Gervais Le Veautre de trente-six arpents à Villeras

Omnibus pr. litt. inspecturis Officialis Curie Parisiensis, salutem in Domino. Notum facimus quod in nostra presentia constituti Gervasius Le Viautre, miles, et Katerina, ejus uxor, recognoverunt se vendidisse in manu mortua, abbatisse et conventui de Portu Regis triginta sex arpenta terre arabilis in parrochia de Sarcleyo, in territorio de Villa Rati pro ducentis libris parisiensium, centum solidis minus, sibi jam solutos, ut confessi sunt coram nobis. Preterea recognoverunt, se nomine escambii, pro quinque sextariis bladi annui redditus quos debebunt abbatisse et conventui antedictis, ex legato defuncti Guidonis de Viletein, armigeri, nepotis ejusdem Gervasii, se dedisse eisdem abbatisse et conventui, et earum monasterio, quatuor arpenta terre arabilis in territorio antedicto. Promittentes, fide prestita in manu nostra, quod contrat hanc venditionem et contra dictum escambium per se, vel per alios non venient in futurum et quod dicta quadraginta arpenta terre eisdem abbatisse conventui et monasterio garantizabunt contra omnes, preter quam contra dominos feodi, contra quos dictam terram in manu mortua garantizare non tenebuntur. Dicta autem Katerina quitavit, sub fide prestita, eisdem abbatisse et conventui quidquid juris habebat racione dotalicii, vel alio quocumque modo in dicta terra ; asserens quod ad hod faciendum, vi, vel metu nonfuerat inducta, sed voluntate spontanea faciebat. Datum anno Domini millesimo ducentesimo quadragesimo primo, mense decembri.