« Capituli Carnotensis et comitis Roberti, super censu de Fermecort. »
- A Original en parchemin. Arch. dép. Eure-et-Loir, G 1071 (ancienne cote :fonds du Chapitre, carton XXXII, A, 1).
- B Bibl. nat. de France, carton 28, p. 114; et carton 28 bis, fol. 52 v°.
- a E. Lefèvre, Annuaire d'Eure-et-Loir pour 1860, p. 186.
- b Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« G[aufridus], decanus, et universitas Capituli Carnotensis, et Robertus, comes Drocensis, omnibus ad quos litterę istę pervenerint, in Domino salutem. Noverint universi, tam presentes quam futuri, quod inter nos et comitem Robertum1, super mansione de Firmecort, cum adjacentibus sibi officinis, de communi assensu limitata, et terra quadam quę est inter fossata de Firmecort et Mosterellium, quę omnia et pater ejus et iste injuste occupaverat2, amodo a nobis tenebit, cum pratis ejusdem villę ad decaniam pertinentibus, in hunc modum pacis convenimus. Predictus siquidem comes, pro pace et amore ecclesię Carnotensis, et ad recognitionem predictorum quę omnia a nobis tenet, nichil amplius de nostris occupaturus, annuatim, , quinquaginta solidos drocensis monetę, in prepositura sua, nobis assignavit aut procuratori nostro libere persolvendos ; et tam presens prepositus quam quicumque et quotiens ei in prepositura successerint fidelitatem nobis faciet de predictis denariis, prefixo termino persolvendis. Quod si prefatus prepositus predictos denarios prefixo termino solvere noluerit vel distulerit, comes vel successor ejus nobis tenebitur ejus supplere defectum. Nos autem, requisiti ab eodem comite, ei concessimus ut in predicta terra quę est inter fossata Firmecurię et Mosterellium capellam edificet : prior autem qui pro tempore eidem capelle prefuerit, de justiciis nostris fideliter observandis nobis fidelitatem faciet. Actum est hoc Carnoti, in capitulo ęcclesię Carnotensis, ; astantibus istis : G[aufrido], decano ; Richerio, cantore ; Willelmo, succentore ; G[isleberto], camerario, vices etiam G[isleberti] subdecani supplente ; Raherio, preposito ; magistro Lamberto ; Gaufrido de Hibreio ; Milo de Garne ; G[auterio] de Booleto ; C[rispino] Drocensi ; H[ugone] de Galardon ; Petro, capellano predicti comitis ; Girardo de Fornivaut ; Petro de Maceriis, et aliis multis. Quod ut ratum et firmum inviolabiliter in posterum observetur, presentem paginam sigillorum nostrorum munimine precepimus roborari. »
