« Feodus Leobini carpentarii. »
- B Bibl. mun. de Chartres: Livre rouge, p. 20.
- C Bibl. mun. de Chartres, 5/c 35: Livre blanc, fol. 9 v°.
- D Bibl. nat. de France, carton 43: Livre noir, fol. 31.
- a Guérard, Cart. de Saint-Père, prolég., p. LIX.
- b E. de Lépinois, Histoire de Chartres, tome I, p. 493.
- c Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Ipse habet quinquaginta solidos census et ejus venditiones, et omnia penitus jura et placita, excepto sanguine et duello. Pro quo tenetur carpentare in propria persona, quociens opus fuerit, in domo episcopi1, sive in torculari ejus. Et singulis diebus quibus ibidem operatur, debet habere micam et prandium sufficienter, et vinum de nona, et sero, ad hospicium suum, duos albos panes et dimidium sextarium vini ; et similiter debet habere singulis dominicis et diebus festivis, preter micam et vinum de nona. Qui infra tempus operationis sue contingerint, scopellos omnes debet habere, qui non possunt mitti in opere ; et etiam debet habere unam propriam cameram ad ponendum ferramenta sua sive scopellos suos. Et in vindemiis habet unum minotum plenum racemis et unum sextarium musti. Ferramenta autem sua qui in opere episcopi sive confracta fuerint sive pejorata, de proprio episcopi reformabuntur. Et cunctis diebus quibus episcopus Carnotensis Carnoto fuerit, in ejus curia prandebit, si voluerit, ad mensam sociorum. Tempore vindemiarum debet servare celarium de die et nocte, et debet habere expensam competentem, et de nocte duos denarios por haste ; et singulis diebus quibus moram facit in celario, debet habere, ad mittendum in hospicio suo, duos panes albos et dimidium sextarium vini. , , , , et debet habere iiiiº panes albos et unum sextarium vini, ad mittendum in hospitium suum ; in die martis carniprevii iiiiº panes albos, et unum sextarium vini, et unam gallinam, et unum frustrum carnis sallate. »
