« In primis dominus episcopus Carnotensis habet et habere debet de quolibet miliare sepiarum venditarum Carnoti, ii denarios, tam a civibus quam ab extraneis.

Item a mercatoribus extra venientibus, causa emendi eas, similiter duos denarios pro quolibet miliare.

Item a quolibet miliare transeunti per villam, duos denarios, de pedagio.

Item a quolibet centum moruarum salsatarum, ii denarios, dum tamen adducatur in quadriga, de costuma.

Item a quolibet centum congrorum, ii denarios, de costuma.

Item a quolibet centum arumucellorum, ii denarios, de costuma.

Item a quolibet salmone frisco et salsato, per pecias vendito, i denarium, et ii denarios, si integre vendatur.

Item a quolibet sommario piscium aque dulcis, unum denarium.

Item a quolibet celerino asportandi pisces aque dulcis, pictam.

Item a quolibet summario asportatarum piscium maris, i denarium.

Item a quolibet miliare alectium salsatorum, venditorum Carnoti, iii pictas.

Item ab emptore revendente alectia, iii pictas de miliare.

Item a quolibet veniente ad villam pro piscibus emendis et ducendis Bonevalle, Castriduno, Aurelianis, seu quocumque alio loco, i denarium de summa.

Item a quolibet miliare de maquerellis friscis, i denarium.

Item a quolibet miliare alectium friscorum, i denarium.

Item a quolibet miliare maquerellorum salsatorum, i denarium.

Item pro transitu maquerellorum friscorum et salsatorum, i denarium pro quolibet miliare.

Item pro qualibet summa alosarum et salmonum, ii denarios, pro transitu.

Item pro quolibet centum de graspoiz, ii denarios.

Quelibet uxor vel carnifex vendens allectia die sabbati, i pictam.

Quilibet carnifex vendens Carnoti carnes die dominica, i pictam.

Pro quolibet centum ferri, i denarium a venditore, et a quolibet emente portanda extra villam, i denarium.

Pro quolibet centum cepi venditi Carnoti, i denarium nisi carnifex vendiderit, et ab emptore similiter, i denarium nisi carnifex fuerit.

Pro quolibet centum uncti venditi, i denarium.

Pro quolibet centum cere, ii denarios a venditoribus.

Item ab emptoribus, dum tamen dictam ceram revendaverint, ii denarios.

A quolibet centum de pice, iii pictas.

A mercatore eam ducente, pro transitu, iii pictas pro quolibet centum.

De quolibet centum canabi, i denarium.

De quolibet quarterio lane vendite in mercato, obolum, nisi habeat defensorem.

De quolibet emptore agniculorum, dum tamen emerit ultra xii denarios, obolum pro qualibet emptione.

A quolibet cordario et a quolibet chanpvaterio venientibus ad vendendum ad mercatum, i pictam, qualibet vice.

A quolibet vendente culcitram et pulvinar, pro qualibet culcitra et pulvinari, unum denarium.

Ab emptore similiter, unum denarium, nisi habeat defensorem.

A quolibet mercatore extraneo, asportante pellicias ad vendendum, pro quolibet garnamento vendito, i obolum.

A quolibet mercatore extraneo, asportante telas ad vendendum, pro qualibet pecia vendita, pictam.

A quolibet burgensi, asportante telas suas ad vendendum, tam in mercato quam in nundina, pro qualibet pecia vendita, pictam.

A qualibet venditrice telarum, in mercato vel in nundinis, qualibet die mercati vel nundinarum, pictam.

A quolibet panno lamo vendito super lapides, tam in mercato quam in nundinis, i obolum, nisi habeat defensorem.

A quolibet mercatore emptore, i obolum, nisi defensorem habeat, pro quolibet panno et pro qualibet pecia, a quacumque patria sit et ubicumque emerit.

Item similiter, a quolibet vendente pannos, nisi habeat defensorem, obolum.

Item a quolibet mercatore, emente per villam, et a burgensibus, in domo ipsorum, obolum, de qualibet pecia panni.

Item, a quolibet panno intemerato, tam in mercato quam in nundinis, obolum, si non habet mercator defensorem.

A quolibet vestimento de pellibus salvasine, duos denarios.

A quolibet bacone vendito, vel uncto vendito, pictam, nisi habeat defensorem.

A qualibet venditrice pomorum, pirarum et aliorum fructuum quorumcumque, pictam, qualibet die sabbati inter Assumptionem beate Marie et festum sancti Andree.

Pro qualibet quadrigata panis, veniente ad mercatum vel ad nundinas, i denarium, qualibet die qua venerit.

Pro qualibet summa panis, qualibet vice qua venerit, obolum, a quocumque loco adducetur.

A qualibet quadrigata de egruno, i denarium, in mercato et nundina.

A qualibet venditrice super terram, pictam.

A quolibet corvoiserio, vendente in mercato et nundina, qualibet vice, pictam.

A quolibet summario de porellis et oleribus, pictam.

A quolibet talliatore corei, pictam, qualibet vice talliaverit, die sabbati vel die nundinarum.

A quolibet mercerio, pro tribus diebus sabbati, pictam.

A quolibet venditore falcium, seu falces vendente, valorem medietatis cujusdam falcis, quolibet anno.

Pro qualibet platea cucufaris, in mercato, in crastino beati Andree, obolum census ; item, in crastino Nativitatis [beati Johannis], obolum census.

Item, pro qualibet archa seu stallo pellipariorum, in crastino beati Andree, obolum census, et, in crastino Nativitatis beati Johannis, obolum similiter census.

Pro qualibet lapide seu stallo de magnis halis, et pro quolibet stallo vel lapide, ubicumque sit, in crastino beati Andree, i denarium census, et, in crastino Nativitatis beati Johannis, i denarium similiter census.

Quilibet burgensis vendens debet medietatem havagii, et quilibet alius similiter, nisi habeat defensorem, bladi, avene, fabarum, pisorum et aliorum fructuum.

Quilibet clericus, quilibet miles aut religiosus, quartam partem havagii.

Omnes homines Capituli, vendentes in mercato, in potestate Comitis, quartam partem havagii.

Omnes operatores unctarum et hucheri, quilibet ii denarios, pro fenestragio, in festo beati Remigii.

Doliatores similiter quilibet ii denarios, in eodem festo, pro fenestragio.

Quicumque sit cordubernarius, vendens vel emens, i denarium, in vigilia Ramorum Palmarum.

Quicumque sit corvoiserius, vendens calciamenta vacce, quilibet i denarium, in eadem vigilia.

A quolibet porco vel sue, transeuntibus apud Morenceias, vel in banleuga Carnoti, i pictam, in quolibet loco ubi Comes aliquid percipit, et a quolibet bove, i obolum, si non sit escornatus, et si escornatus fuerit, pictam.

Item, pro duabus bidentibus, aliis vel animalibus, obolum, pro transitu, a quacumque persona.

Quilibet caligarius, veniens ad vendendum in mercato, in vigilia Ramorum Palmarum, unam caligam.

Quicumque adducens sal, de tribus summis dimidium rasellum.

A quolibet revendente sal, de novem summis dimidium rasellum, qui salnerius sit.

Salnerius quilibet qui vocatur vanerii, de iii summis dimidium rasellum.

A quolibet summario qui vocatur bales, transeunte, iii obolos.

A quolibet summario corde et mallie, obolum.

De qualibet giba cordee et malliee, v denarios, pro transitu.

De quolibet panno qui vocatur plet et aplet, obolum.

Draperii Castriduni, ducentes pannos suos intra villam, dimidiam costumam, scilicet vii denarios et obolum.

De qualibet summa olei transeuntis, i denarium.

De qualibet summa olei venditi in villa, ii denarios.

Quilibet veniens pro oleo emendo ad revendendum extra, i denarium.

Pro qualibet quadrigata bladi, avene, pisorum, fabarum, i denarium, nisi honerata sit in loco privilegiato.

Pro quolibet leto corei transeuntis per villam, iiii denarios.

Tanatores xiiii solidos, in Nativitate beati Johannis, item xiiii, in festo beati Andree.

Quilibet fenestrarius vendens poiz, ii denarios in anno.

De quolibet centum cere vendite ad quemlibet stallum, ii denarios quicumque sit venditor.

Quilibet talemelarius habens panem, nisi sit de loco privilegiato, pictam, qualibet die martis, et si non habet panem die martis et habet die jovis sequenti debet pictam.

Quilibet talemelarius, si habet panem qualibet die sabbati, obolum, et si non solverit die sabbati, tenetur solvere die dominica sequenti.

Quilibet fenestrarius seu soldarius, iii pictas in quindena.

Pro quolibet centum custellorum venientium ad villam, i denarium.

Pro quolibet porco vendito in mercato, venditor et emptor quilibet, pictam, nisi sint privilegiati.

Pro quolibet porco vendito per villam, pictam, ab emptore et venditore.

De quatuor albis annualibus bidens, obolum.

De qualibet capra, pictam.

De qualibet vacca vendita, venditor et emptor quilibet, pictam, nisi privilegiati.

De quolibet bove cornuto vendito, obolum, et si non est cornutus, pictam, quilibet tam venditor quam emptor.

De quolibet torello cum mentula, venditor et emptor quilibet, pictam, nisi privilegiati.

De quolibet equo vendito, tam in mercato quam in villa, emptor et venditor quilibet, i denarium, nisi privilegiati.

De equo ad arma, ii denarios, a venditore et ab emptore totidem.

De quolibet mercatore ducente equos ad arma, de quolibet ii denarios, pro transitu.

De palefredo, i denarium.

Item, dominus episcopus Carnotensis habet medietatem vendarum et cerothecarum archarum pellipariorum.

Item, de stallis et lapidibus de mercato, iiii denarios, de vendis et cerothecis.

Item, similiter medietatem vendarum platearum cucufaris.

Item, medietatem omnium rerum sitarum in circuitu rote mercati.

Item, de quolibet stallo in Burgo sito, i denarium, die dominica ante festum beati Andree, vel die dominica post.

Item, eadem die, de qualibet platea tripariarum, i denarium.

Item, de quolibet dictorum stallorum et platearum, i denarium, in crastino Nativitatis beati Johannis.

De qualibet quadrigata pomorum, pirarum et aliorum quorumcumque fructuum, ubicumque inveniatur in civitate, i denarium, et etiam amigdalarum, festis beate Marie.

Quilibet vanerius, commorans in villa, medietatem cujusdam vanni, in festo sancti Bartholomei.

Item, quilibet vanerius mercator extraneus, veniens ad villam, medietatem vanni, eodem festo, vel post, si inveniatur.

Quilibet vitrarius mercator, ii vitra de quadrigata.

Item, medietatem havagii mine currentis ad portam Guillelmi ; item, ad portam Drocensem ; item, ad portam Sparrarum ; item, in Valleya.

Item, nemo novus volens vendere cinerem clavelatam ad fenestram, hoc habet facere nec potest sine mandato toneleatoris episcopi.

Quicumque adducens balez Carnotum, debet, de qualibet quadrigata, ii balez.

Quilibet adducens potos vel cruchas Carnotum, de qualibet quadrigata, unum potum vel unam cruchiam.

Item, de quolibet pondere de abano vel de pipere, qui sit mercator, que vocatur fes, iii denarios et obolum.

Item, in furno Sancti-Johannis juxta Sanctum-Mauricium, quilibet talemelarius, iii pictas in septimana ; in quo furno nichil percipit Comes.

Item, in furno Belli-Loci monachorum, in Burgo, quilibet talemelarius, iii pictas in septimana ; in quo nichil percipit Comes.

Item, ab emptore et venditore de melle, pro qualibet summa, ii denarios ; a transeunte cum melle, i denarium de summa.

Item, de qualibet quadrigata guesdorum adductorum Carnotum a mercatore, i denarium.

Item, a qualibet quadrigata molarum, i pictam.

Item, a qualibet quadrigata cardonum, i denarium.

Item, de quolibet pondere cineris clavelate, i denarium.

In Valle-Sancti-Petri, medietatem boisselagii et totius costume, ubi nichil percipit Comes.

Item cum Comite medietatem boisselagii de porta Morardi, et de quacumque persona medietatem totius costume.

Omnes costume Vallee Sancti-Petri, xxxvi libras.

Minagium mercati, xxv libras.

Rasellum salis, xl libras.

Minutum tonleium animalium, ferri, panis, fructuum, et piscium aque dulcis, cepe, alliorum, et omnium fructuum, lx libras.

Mina porte Drocensis, x libras.

Coustuma dossagii et pannorum desuper petras, vii libras x solidos.

Mina porte Guillelmi, lx solidos.

Costuma culcitrarum, xx solidos.

Minuta costuma allectium, viii libras.

Domus Roberti de Perrin, xl solidos.

Costuma telarum, lx solidos.

Pedagium portarum, lx libras, aliquando iiii^xx libras.

Coustuma lini, canabi, agniculorum, iiii libras x solidos2. »