« Omnibus presentes litteras inspecturis, B[artholomeus], Carnotensis ecclesie dictus decanus, salutem in omnium Salvatore. Notum esse volumus universis quod cum decanus et subdecanus Carnotensis archidiaconatum habeant civitatis et banleuge Carnotensis, canonici tamen majoris ecclesie Carnotensis et clerici eorum et clerici chori immunes sunt a jurisdictione nostra, excepto hoc quod clerici de oratoriis sive ecclesiis suis, si quas habent infra banleugam Carnotensem, coram nobis juri starent. Servientes quoque predictorum scilicet canonicorum et clericorum chori, sicut sunt immunes a jurisdictione seculari comitis Carnotensis, ita quoque a nostra jurisdictione ecclesiastica sunt immunes. Illi autem qui justiciabiles sunt comitis de forisfactis vel contractibus suis, similiter de nostra sunt ecclesiastica jurisdictione. Datum anno Domini MºCCºXXºIIIº, mense augusto. »