École des chartes » ELEC » Cartulaires d'Île-de-France » Notre-Dame de Chartres » Tome deuxième » 1206, 17 avril

De venditione majoriæ Jupaelli et Tievillæ.

  • A Original en parchemin. Arch. dép. Eure-et-Loir, G 2343 (ancienne cote : fonds du Chapitre, carton XCVI, R, 1).
  • B Bibl. nat. de France, carton 28: Livre des Privilèges de l'église de Chartres, p. 57; et carton 28 bis, fol. 26 v°.
  • a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
D'après a.

« Raginaldus, Dei gracia, Carnotensis episcopus, et Robertus1, abbas Sancti-Carauni, universis Christi fidelibus, tam futuris quam presentibus, ad quos presens scriptum pervenerit, salutem in eo qui est salus omnium. Universitati vestre notum fieri volumus quod Willelmus de Jupaello, miles, Teobaldus, Radulfus, Odo clericus, Garinus de Villa-Galli, fratres, Milo de Chavernai, Martha uxor ejus, Hugo frater ejusdem Marthe, Joscelinus major de Pesiaco, Alburgis uxor ejus, in capitulo Carnotensi, nobis presentibus constituti, majoriam Jupaelli et Tieville, cum omnibus ad eam pertinentibus, scilicet quicquid terre habebant apud Jupaellum et Chambles, et quicquid in pago Dunensi, ab ecclesia Carnotensi, ipsi vel antecessores sui tenuerant vel tenebant, sive in terra, sive in aqua, sive in molendinis, sive in pratis, sive in straminibus, sive forraginibus, vel aliis quibuscumque, excepto si quid ab eadem ecclesia censuale tenebant non pertinens ad predictam majoriam, scilicet terram circa tres sextarios seminis capientem, vendiderunt eidem Capitulo, precio sexcentarum librarum monete turonensis, et, corporaliter prestito juramento, in perpetuum quitaverunt ; jurantes insuper quod ipsi contra omnes, si quos reclamare contingeret, juste ac fideliter, secundum patrie consuetudinem, venditionem hanc dicto Capitulo garandirent et ab omnibus qui a Teobaldo et Villano de Jupaello fratribus descenderant et etiam a suis nepotibus, neptibus et cognatis germanis idem concedi facerent et quitari ; adicientes etiam juramento suo se manifestaturos dicto Capitulo vel mandato Capituli quicquid veritatis inde cognoscerint, et ituros, sumptibus ipsius Capituli, quocumque ire, intra fines provincie Senonensis, ab eodem Capitulo vel mandato Capituli, fuerint requisiti, causa perhibendi super hiis testimonium veritati, atque facturos quicquid pro hujusmodi testificatione fieri debuerit, excepto tamen duello. Huic rei testes interfuerunt : Hugo, decanus ; Goslenus, cantor2 ; Willelmus, subdecanus ; Hugo, succentor ; Henricus, Dunensis archidiaconus ; Philippus, Pissiacensis archidiaconus ; Johannes, Vindocinensis archidiaconus ; Milo de Garne ; Robertus de Orrevilla ; Willelmus de Valeia ; Rembaudus Craton3 ; Germundus de Levesvilla ; Johannes de Petra-Fontis ; Henricus Capicerii ; Petrus de Cuneo ; Henricus de Corbolio ; Gervasius Regine ; Philippus Moreher4 ; Willelmus de Cantuaria ; Guismundus ; Gervasius de Castro-Novo5 ; Matheus de Timer ; Raginaldus Regine ; Nicholaus Hoel ; Radulfus de Sauneriis, tunc camerarius episcopi6 ; Hubertus, cerarius ; Garinus de Osenvilla ; magister Radulfus ; Odo Bechart, castellanus Carnotensis7 ; Fulcherius Pulchra-Avis ; Willelmus de Tuvilla ; Hugo de Vilais ; Petrus de Pateio ; Gaufridus de Luco-Plantato, milites ; Stephanus Bretel8 ; Hugo Sauger ;9 ; Gaufridus, cambitor ; Radulfus Rembaudi ; Savericus de Muret ; Johannes Collum-Rubeum ; Michael Sauger ; Raginaldus Siccus ; Willelmus, frater Tiquet ; Philippus Isembardi ; Sanson ; Willelmus de Sancto-Martino ; Robertus Troellebout. Quod ut in posterum firmum habeatur et ratum, appositione sigillorum nostrorum presentem paginam fecimus communiri. Actum 10. »

1 Robert, abbé (1192-1214).
2 Goslin d'Ouarville, chantre de Notre-Dame, était fils de Renaud-le-Vieux, seigneur d'Ouarville, et frère de Renaud-le-Jeune, croisé en 1199. (Titres de Saint-Jean ; Arch. départ.) — Voir vol. Ier, p. 230, note 1.
3 Le chanoine Raimbaud Craton figure dans un grand nombre de titres de cette époque. Il appartenait probablement à la famille de son homonyme, le fameux chevalier chartrain de la première croisade. (Voir vol. Ier, p. 107, note 3.)
4 Le chanoine Philippe Morhier était neveu du chantre Crépin de Dreux et fils de N. Morhier, chevalier. Nous retrouverons son nom dans plusieurs titres du Chapitre.
5 Gervais de Châteauneuf, fils de Gervais III, seigneur de Châteauneuf, chanoine de Chartres, puis évêque de Nevers en 1222.
6 Raoul de Saulnières, d'une bonne famille chartraine, était doyen de Brou en 1224. (Titre de Josaphat ; Arch. départ.)
7 Eudes Béchart est le plus ancien châtelain de Chartres que nous connaissions.
8 Les Britel ou Bretel comptaient au XIIe siècle parmi les familiers de l'abbaye de Saint-Père. L'un d'eux, nommé Robert, devint bailli de Chartres en 1323.
9 Hugues Saugier fut châtelain de Chartres en 1215. Il succéda à Eudes Béchart.
10 La même année, cette vente fut également confirmée par Gautier, abbé de l'Etoile, et tout le couvent dudit lieu. Cette seconde charte de confirmation relate l'approbation donnée par Jean, Mathieu, Geoffroy et Jeanne, enfants de Guillaume de Jupeillo, à la vente faite par leur père. (Original en parchemin. Arch. dep. d'Eure-et-Loir, C. XCVI, R, 1.)