Innocentii papæ, ne ullus delegatus excommunicationis sententiam ferat in Carnotensem ecclesiam.
- A Original en parchemin. Arch. dép. Eure-et-Loir, G 710 (ancienne cote : fonds du Chapitre, carton X, A, 4 bis).
- B Bibl. nat. de France, carton 28, Livre des Privilèges de l'église de Chartres, p. 180.
- a Cartulaire de Notre-Dame de Chartres, éd. Eugène de Lépinois et Lucien Merlet, Chartres, 1862.
« Innocentius, episcopus1, servus servorum Dei, dilectis filiis Capitulo Carnotensi, salutem et apostolicam benedictionem. Apostolice sedis benignitas sincere obsequencium vota fidelium benivolo assensu prosequi consuevit et personas illorum quas in sua devocione promptos invenerit et ferventes quibusdam titulis decencius decorare. Ut igitur, ex speciali devocione quam ad nos et Romanam ecclesiam habere noscimini, senciatis vobis favorem apostolicum non modicum accrevisse, auctoritate vobis presentium indulgemus ut nullus delegatus, vel subdelegatus, executor aut eciam conservator, per litteras apostolicas vel legatorum apostolice sedis, in personas vestras excommunicationis, suspensionis, vel interdicti sentencias promulgare, aut interdicere vobis ingressum ecclesie, valeat, nisi littere apostolice plenam et expressam fecerint de hac indulgencia et Carnotensi ecclesia mencionem. Nulli ergo omnino liceat... Datum Lugduni, 2. »
