École des chartes » ELEC » Le formulaire d'Odart de Morchesne » Passages et sauf conduiz » Autre sauf conduit pour ennemis
[fol. 84]
[fol. 84v]

Autre sauf conduit pour ennemis

Charles etc., a tous noz lieuxtenans, mareschaulx, maistre des arbalestriers, admiral, seneschaulx, bailliz, prevostz, chastellains, capitaines, maires, eschevins, gardes de bonnes villes, citez, chasteaulx et forteresses, pons, pors, passages, jurisdicions et destroiz, justiciers et subgez ausquelz ces presentes seront monstrees, salut. Savoir faisons que a la supplicacion de nostre tres chier et amé cousin le conte de Richemont1 et pour certaines causes qui a ce nous meuvent nous avons donné et donnons par ces presentes a Tel et a ceulx de sa compaignie, jusques au nombre de tant personnes et autant de chevaulx et au dessoubz, bon et loyal sauf conduit du jour de la date de ces presentes jusques a deux moys prouchain venans pour venir peschera et faire pescherb un sien estang qu'il a en tel lieu et pour eulx retourner. Si vous mandons et enjoingnons que ledit Tel et ceulx de sa compaignie, jusques audit nombre de tant et au dessoubz, vous souffrez et laissiez, chascun de vous endroit soy, venir pescherc ledit estang, y demourer et eulx en retourner paisiblement, et sanz leur faire ou donner aucun arrest, desplaisir ou empeschement en corps ne en biens le temps de ce sauf conduit durant. Pourveu toutesvoyes que ilz ne aucun d'eulx ne facent ne ne procurent faire chose qui soit dommagable ne prejudiciable a nous ne a nos subgez et obeïssans en quelque maniere que ce soit. Donné etc.


a abrégé pesch-r.
b abrégé pesch-r.
c abrégé pesch-r.
1 Arthur de Bretagne, comte de Richemont, était le fils de Jean IV, duc de Bretagne, et de Jeanne de Navarre. Après la mort de son père, il fut élevé à la cour de Bourgogne, puis à celle du duc de Berry. En 1410, à l'âge de dix-sept ans, il se rallia au parti armagnac ; après 1413, il devint un familier du duc de Guyenne. Au combat d'Azincourt, il fut fait prisonnier et emmené en Angleterre où il retrouva sa mère, mariée au roi Henri IV après le décès de Jean de Bretagne. C'est à partir de cette période qu'Arthur embrassa la cause anglaise. En 1423, il se rapprocha de Charles VII, qu'il rencontra au mois d'octobre 1424 à Angers. Les négociations eurent pour résultat la nomination d'Arthur comme connétable de France, le 7 mars 1425 (Du Fresne, t. II, p. 73-77 et 81-85 ; Jean Kerhervé, Une existence en perpétuel mouvement : Arthur de Richemont, connétable de France et duc de Bretagne, 1393-1458, dans Viajeros, peregrinos, mercaderes en el Occidente Medieval, Pampelune, 1992, p. 69-114). Comme, dans la formule, Arthur ne porte pas encore le titre de connétable, il faut dater celle-ci d'avant mars 1425.