Collacion de prebende vaccant en regale

Karolus etc., dilectis nostris decano et capitulo talis ecclesie, salutem. Notum vobis facimus quod nos canonicatum et prebendam quos in dicta ecclesia obtinere solebat defunctus Talis, per ipsius obitum, prout fertur, vaccantes et ad collacionem nostram jure regalie nunc in dicta ecclesia vigentis spectantes, dilecto nostro Tali dedimus et contulimus damusque et conferimus pietatis intuitu per presentes ; earum serie vobis mandantes quatinus dictum Talem seu ejus procuratorem pro eo in possessionem et saisinam dictorum canonicatus et prebende ponatis et inducatis, stallum sibi in choro et locum in capitulo cum plenitudine juris canonici ut moris est assignantes, adhibitis solennitatibus assuetis, sibique seu predicto procuratori suo de fructibus, redditibus et emolumentis ad eosdem canonicatum et prebendam spectantibus respondeatis et ab aliis quorum interest aut intererit faciatis integre responderi, amoto abinde quolibet alio detentore illicito litteras nostras anterioris date presencium super hoc non habente. Datum etc.