Commission sur admortissement

Charles etc., a noz amez et feaulx gens de noz comptes, salut et dilection. Oÿe la supplicacion de noz bien amez les religieux, abbé et couvent de Granmonta 1, contenant que les choses contenues ou roolle attaché a ces presentes soubz nostre contreseel il nous pleust admortir, nous, voulens pourveoir ausdiz religieux, vous mandons et enjoingnons que de la valeur desdictes choses, du proufit ou dommage que nous aurions a faire ledit admortissement et autrement comme vous verrez estre a faire vous vous informez ou faites informer par aucuns de noz officiers du païs pour, icelle information faicte et par vous veue, pourveoir ausdiz supplians sur ledit admortissement ainsi que nous conseillerez de faire. Donné etc.