Autre defense soubz le seel placqué

De par le roy.
Vous, cappitaines, gens d'armes, archiers, arbalestriers et autres gens de guerres estans en nostre service, nous vous defendons expressement et sur tant que vous doubtez faire a nostre desplaisance que vous ne vous logez ne souffrez que voz gens logent en tel lieu, appartenant a nostre amé et feal N., ne y preignent ou fourragent avoine, blé, foin, vin, bestiail, vollaille ne autres choses quelzconquesa, saichans que, se aucuns sont trouvez faisans ou avoir fait le contraire, nous les en ferons si griefment punir que les autres y prendront exemple. Donné etc.