Confirmacion

Karolus, Dei gracia Francorum rex, ad perpetuam rei memoriam. Etsi regum liberalitas ad imitandam suorum predecessorum munificenciam enitatur, manopere ubi tamen nobilium et vassalorum et presertim genere sibi attinencium, qui rei publice, regnorum, dicionum precipua sunt columna et propugnacula, res aguntur, libertates extolluntur, honores accrescunt et opulenciores eis amplificantur utilitates, sue consolidacionis libencius elargitur munimentum, ut regia potencia coadjuti ad virtutum officia fervencius assurgantur et eorum fidelitatem erga regnorum stabilimentum prestancius explere conentur.
Sane porrectas nobis pro parte cari et fidelis consanguinei nostri Philippi de Levis, domini de Villars et de Roche, militis1, litterasa predecessoris nostri Philippi olim regis Francorum et Raymundi dudum comitis Tholose2 vidimus, formas que sequunturb continentes, et primo Philippi regis :
In nomine etc.,
deinde Raymundi comitis Tholose subinseritur tenor :
Noverint etc. ;
post quarumquidem exibicionem litterarum fuimus pro parte prenominati consanguinei nostri Philippi de Levis, domini de Villars et de Roche, humilime requisiti quatinus, cum dominia, loca et alia de quibus in superius corporatis litteris mencio plenior habetur ad eum ex parentum legitima successione pridem proventa pertineant, ipsas ei litteras benigne confirmare dignaremur.
Notum igitur facimus universis presentibus et futuris quod nos, attendentes generis nexum quo nobis attinet ipse consanguineus noster Philippus de Levis, celeberrimas etiam strenuitatesc quas ejus predecessores priscis temporibus expleverunt contra hereticos et alios nostre dicionis protunc invasores, famosissima itaqued et notabilissima obsequia nostris predecessoribus et nobis per ejus predecessores et eum fideliter [fol. 171v] continue et solerter impensa, et que ipse pariter et carus et fidelis consanguineus noster Anthonius de Levis, miles, dominus de Vauvert, ejus filius3, nostris in guerris et alias multipliciter impendere non cessant, volentes ea sibi recognoscere et eum obinde uberiori gracie plenitudine communire, predecessorum nostrorum vestigiis pocius inherentes, preinsertas litteras ac omnia et singula in eis contenta rata et grata habentes,volumus, laudamus, ratificamus, approbamus et ex nostra certa sciencia, speciali gracia, auctoritate regia plenaque potestate, in quantum eis hactenus rite et debite usus est, confirmavimus et confirmamus per presentes. Quocirca dilectis et fidelibus consiliariis nostris gentibus parlamentum presens in nostra patria Lingue occitane tenentibus et que futura ubilibet tenebunt parlamenta, gentibus compotorum, generalibus super facto et regimine omnium financiarum nostrarum, senescallo Tholose ceterisque justiciariis et officiariis nostris vel eorum locatenentibus et ipsorum cuilibet, presentibus et futuris, prout ad eum pertinuerit, mandamus, districtius injungentes, quatinus prefatum consanguineum nostrum Philippume de Levis et ejus heredes, successores et causam habentes et habituros nostra presenti gracia et concessione uti et gaudere pacifice et libere faciant et permittant, nil in contrarium attemptari vel innovari paciendo. Quod si quid a quoque secus agi contigerit, illud ad statum pristinum et debitum revocent et reducant seu reduci et revocari faciant indilate, visis presentibus. Quas ut perpetua soliditate perdurent, sigilli nostri duximus impensione muniri roborandas. Nostro in aliis et in omnibus quolibet alieno jure semper salvo. Datum etc.

[17.1.a] ¶ Note bien ces motz si et in quantum eis hactenus rite et debite usus est, et que le prince n'a pas acoustumé de confermer privileges ne autres lettres, sinon en tant qu'on en a jusques cy deuement joÿ et usé, car on a donné aucunes foiz des privileges et des libertez pour la diversité des temps pour eschever greigneur inconvenient ou pour autres causes, et souvent n'est pas expediant ne prouffitable au prince de les confermer, ymo de les casser et irriter selon la disposicion des choses.