École des chartes » ELEC » Le formulaire d'Odart de Morchesne » Lettres de finance » Atache des generaulx
[fol. 136]

Atache des generaulx

De par les generaulx conseillers du roy nostre seigneur
sur le fait et gouvernement de toutes finances
tant en Languedoïl comme en Languedoc.
Guillaume Charrier, receveur general desdictes finances1, acomplissez le contenu es lettres du roy nostredit seigneur ausquelles ces presentes sont attachees soubz l'un de noz signetz, en paiant, baillant et delivrant des deniers desdictes finances a Tel, nommé esdictes lettres, la somme de M, a lui donnee par ledit seigneur pour les causes et tout par la forme et manieres que icelui seigneur le veult et mande par sesdictes lettres. Donné soubz noz signetz le […]a jour etc.

[14.4.a] ¶ Note bien ces motz ausquelles ces presentes sont attachees, et qu'il n'y ait pas attachees a ces presentes soubz l'un de noz signetz, car la lettre du mendre se attache a celle du greigneur et non pas [fol. 136v] celle du greigneur a la lettre du mendre, comme les lettres des generaulx sont attachees a celles du roy. Et se les generaulx parloient de lettre donnee par eulx ou par autre qui ne feust greigneur d'eulx, ilz diroient atachees a ces presentesetc.

[14.4.b] * ¶ Item nota que en toutes expedicions de generaulx, de commissaires, de tresoriers ou de chambre des comptes ou l'en fait mencion qu'il y ait quelque chose attachee soubz signetz, il fault expressement qu'il y ait le signet sur l'atache en teste etc. ; mais des autres on se passeroit au besoing.


a Le ms ménage un blanc d'environ deux lettres.
1 Les dates de fonction de Guillaume Charrier, nommé par le dauphin Charles à la fin de 1418 (voir formule [8.10] et son annotation), ne permettent pas de resserrer la datation de l'acte-source, qui doit être postérieur au 21 octobre 1422, puisque mention y est faite du roy notre seigneur.