Autre collacion en regale si et in quantum vaccaverint seu vaccent1

Karolus etc., universis presentes litteras inspecturis, salutem. Notum facimus quod, si canonicatus et prebenda, quos in ecclesia tali dilectus noster N. ad presens noscitur pacifice possidere, predecessorum nostrorum sive nostris in regalia vaccaverint temporibus seu nunc vaccent, propter quam regaliam collacio eorumdem canonicatus et prebende ad nos seu alterum nostrorum predecessoruma pertinuerit seu possit et debeat quovismodo pertinere, nos hujusmodi canonicatum et prebendam sicut premittitur vaccantes eidem Tali pietatis intuitu contulimus ac conferimus per presentes ; dilectos nostros decanum et capitulum dicte ecclesie requirentes et precipientes eisdem quatinus dictum N. in possessionem et saisinam dictorum canonicatus et prebende manuteneant et conservent ac sibi vel ejus procuratori pro eo de fructibus, redditibus et emolumentis, proventibus, juribus et [fol. 66] obvencionibus suis universis respondeant seu faciant ab omnibus quorum interest integre responderi ; insuper ipsi N. concedentes ut virtute hujusmodi nostre collacionis dictorum canonicatus et prebende minime teneatur possessionem adipisci ; quin ymo presentem nostram collacionem tanti volumus esse vigoris quanti foret si ad eosdem de novo fuisset admissus et ipsorum pacificam assecutus possessionem. Consuetudinibus et statutis ipsius ecclesie non obstantibus quibuscumque. In cujus rei testimonium etc. Datum etc.