Sauvegarde pour ceulx qui ont LX ans et plus

Charles etc., a tous noz justiciers etc. A la supplicacion de Macé Gobichot, sexagenaire, affermant lui doubter de pluseurs etc., nous vous mandons et a chascun de vous, si comme a lui appartendra, que ledit suppliant avec saa femme, famille, droiz, choses, possessions et biens quelzconques vous prenez et mettez en et soubz nostre protection et sauvegarde especial, a la conservacion de son droit tant seulement, et le maintenez et gardez etc.comme en la sauvegarde commune, excepté qu'on y adjouste immediate devant Donné : Pourveu que de nostre presente sauvegarde ledit suppliant ne se puisse aidier contre son seigneur en aucune maniere. Donné etc.

[2.5.a] bEt note bien qu'en y met pas la clause de Ces presentes aprés un an non vallables ; et aussi qu'elle se fait par prenez et mettez et non pas par suscipimus, nous prenons et mettons etc.