Exordium de garde

Karolus etc., universis etc. Pia consideracione pensantes quod in pace factus est locus Domini1, dignum et laudabile recensemus ut cultus ejus sit cum debita reverencia pacificus et quietus. Unde justum conspicimus ut ecclesiam sanctam personasque, loca et bona ecclesiastica, taliter ab omni malignancium inquietacione ac oppressione defendamus et opprimere volentibus occurramus, quod ipsa ecclesia in pacis pulcritudine requiescat et transquilitate letetur, ut quicumque sui, in quiete viventes et pace, dominum Jesum Christum sponsum ejus glorificent eique sancte et devote serviant et tanto se ipsos ad id exhibeant prompciores quanto per potenciam regie magestatis adjuti se noverint ulterius felici securitate potiri. Notum igitur facimus quod nos,ad supplicacionem dilectorum nostrorum abbatis et conventus Beati Victoris extra muros Parisius, de fondacione regia et in nostra salva et speciali gardia et protectione ab antiquo existentis, ipsos, tam in capite quam in membris, unacum eorum familiaribus, hominibus de corpore, si quos habent, rebus, possessionibus et bonis suis universis, in regno nostro existentibus,in nostra salva et speciali gardia et protectione ex abundanti, ad suorum jurium conservacionem dumtaxat,suscipimus et ponimus per presentes et eisdem in gardiatores deputamus speciales N. N., servientes nostros. Quibus etc.