Carta Hugonis de Plesiz et Simonis Furrer.1
- A Original en parchemin scellé1. — Inv., p. 147, l. 2, nº 17.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Ego Simon, Neelphensis dominus2, tam presentibus quam futuris notificari volo quod Hugo de Plesiz, concedente uxore sua Isabele ac filia ....... (sic), necnon Guillelmo fratre suo, monachis sancte Marie de Sarnaio terram, que sita est juxta Brueriam apud Plesiz, in perpetuam elemosinam dedit, acceptis ex caritate eorum XX libris denariorum. Concessit etiam hanc elemosinam Simon de Villaperosa, cum Odone, fratre suo, qui habuerunt partem predicte terre. Testes hujus rei fuerunt : Nivardus, presbiter de Neelpha ; Ernulfus presbiter ; Amauricus de Neelpha ; Milo de Neelpha3 ; Gaufridus vicecomes ; Petrus frater ejus ; Hugo de Aupuntel ; Hugo de Plesiz ; Simon Furrer ; Renoldus dapifer : Galterius Rex ; Godefridus de Baali ; Robertus Gueis ; Renaldus Palart et Gaufridus frater ejus ; Philippus de Bordis ; Renaldus Esrachevesce ; Galerannus filius Guinemer de Bania ; Galerannus de Cresci. Quando Hudebergis et Istemburgis, uxores supradictorum, scilicet Simonis et Odonis, cum filiis suis Roberto, Guillelmo, et Emelina, sorore sua, hanc elemosinam concesserunt, affuerunt isti testes : Simon Furrer ; Guillelmus monachus et Berengerius. Eodem vero anno quo hec facta sunt, Simon Furrer, concedente uxore sua cum filiis, predictis monachis, in perpetuam elemosinam, terram de Haia de Conrei dedit, acceptis XV libris ex caritate eorum. Teste : Nivardo presbitero ; Ernulfo presbitero ; Amaurico de Neelpha ; Petro de Chaterun ; Renoldo dapifero ; Alardo ; Martino Palart, cum filiis suis Renaldo et Gaufrido. Annuit etiam hanc elemosinam Hugo clericus, frater predicti Simonis, et Philippus nepos ejus.
