Compositio inter abbatias Voti et Vallium Sarnaii de terris et nemoribus Brollardi.
- B Copie1. — Suppl. Cart. 2.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis fidelibus ad quos presens scriptum pervenerit, frater G[uido] de Ursicampo, et frater G[uido] de Valle Sancte Marie, et frater Willelmus de Fresmont2, abbates, salutem in Domino : Notum sit quod querela, que inter abbatias de Sarnaio et de Voto vertebatur, et nobis auctoritate generalis capituli commissa fuerat decidenda, assensu utriusque ecclesie, hoc modo terminata est : ecclesia de Sarnaio nonaginta libras parisiensis monete ecclesie de Voto persolvet ; ecclesia autem de Voto concessit dicte ecclesie de Sarnaio, ut totum Brollardum, in terra et nemore, deinceps perpetua cum pace possideat3. Statutum est eciam, pro bono pacis, quod neutra dictarum ecclesiarum transibit rivulum de Fresnes, qui venit Mellentum, ad edificandum vel ad pecora pascendum. Testes : Willelmus de Brollio et Willelmus de Mortuo Mari4, abbates ; Johannes prior et Willelmus supprior de Sarnaio ; Richardus prior et Johannes cellararius de Voto ; Robertus presbiter de Vallibus ; Rainaldus canonicus Parisiensis ; Rainaldus et Willardus, monachi Ursicampi. Actum .
