" Petri Tyremont, de II solidis annui redditus nobis datis. "
- A Original en parchemin scellé1. — Inv., p. 72, l. 2, nº 9.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint universi presentes et futuri quod ego Petrus, dictus Tyremont, de assensu et voluntate omnium heredum meorum, dedi et concessi, pro salute anime mee et antecessorum meorum, Deo et religiosis viris abbati et conventui Vallium Sarneii, in puram et perpetuam elemosinam, duos solidos parisienses annui redditus quos Robertus, dictus le Ber, michi debebat annuatim de vinea sua de Calvomonte, sita inter vineam [Petri] Bequet, ex una parte, et vineam Garini Cuer de Blé, et vineam Guillelmi Malherbe, ex altera, reddendos annuatim predictis religiosis et eorum successoribus, , tenendos et jure hereditario in perpetuum possidendos predictos duos solidos parisienses annui redditus predictis religiosis et eorum successoribus, [libere, quie]te et pacifice, absque aliqua mei vel heredum meorum reclamatione im posterum facienda. [Immo nos] et heredes mei tenemur predictos duos solidos parisienses annui redditus predictis religiosis et eorum successoribus contra omnes gentes garantizare et deliberare. Et ut predicta donatio et concessio perpetue firmitatis robur optineat, presentem cartam sigilli mei munimine roboravi. Actum . Testibus hiis : Nicholao, scriptore ; Nicholao Tueveel, et pluribus aliis.
