" De mortificatione XX arpentorum nemoris juxta Foilleus. "
- A Original en parchemin. — Inv., p. 48, l. A, nº 5.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, Robertus, comes Drocensis et Montisfortis, et Beatrix, ejus uxor, salutem in Domino : Noverint universi quod nos volumus et concedimus ut abbas et conventus Vallium Sarnaii, ob remedium animarum nostrarum, parentum et amicorum nostrorum, teneant et in perpetuum, pacifice et quiete, possideant in manu mortua, sine coactione vendendi vel extra manum suam ponendi, quandam peciam nemoris, continentem circiter viginti arpenta nemoris, siti juxta nemus dictorum abbatis et conventus, quod nemus vulgaliter Foilleus appellatur, moventem de feodo nostro ; quam quidem peciam nemoris Symon de Rambuel, armiger, et Eustachia, uxor ejus, vendiderant dictis abbati et conventui, ut dicebant ipsi abbas et conventus1 ; et promittimus, etc...........................
In cujus rei testimonium et munimen, predictis abbati et conventui presentes litteras dedimus sigillorum nostrorum munimine roboratas. .
