Theobaldus, Blesensis comes, unum de burgensibus suis Carnotensibus servientem liberum monachis Vallium Sarnaii concedit.
- B Vidimus en parchemin — Inv., p. 136, I. 2, nº 18.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus presentes litteras inspecturis, officialis Carnotensis, salutem in Domino : Noveritis nos, , quasdam litteras vidisse et legisse in hec verba :
Ego Theobaldus, Blesensis comes et Francie senescallus, tam futuris quam presentibus notum facio quod ecclesie beate Marie de Vallibus, pro remedio animarum patris et matris mee et pro anima mea, concessi in perpetuum, in civitate mea Carnoti, habere servientem omnino liberum unum de burgensibus meis1, quem voluero, et nunc presencialiter dedi eis Guiardum Corbini cum predicta libertate. Cum autem Guiardus morietur vel pro voluntate monachorum removebitur, ego si, volente Deo, superstes ero, eis alium dabo, et sic quociens eorum serviens vel morietur vel removebitur ; quod similiter in perpetuum facient omnes heredes mei qui domini erunt predicte civitatis ; quod, ne oblivione deleri possit aut a posteris infirmari, litteris commendo et sigilli mei impressione confirmo. Testes inde sunt : Philippus de Caprosa ; Herbertus marescallus ; Fulco camerarius ; Gaufridus scriptor meus ; Theobaldus de Sancto Karauno. Actum Carnoti, . Datum per manum Huldrici cancellarii.
Quod autem vidimus verbo ad verbum testificamur.
