" C. domini Johannis, militis, de Scroniis, de concessione elemosinationis domini Gilonis de Briis in feodo suo. "
- A Original en parchemin scellé1. — Inv., p. 18, c. K, nº 4.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, ego Johannes de Scroniis, miles, salutem in Domino : Noveritis quod cum jamdiu concesseram Giloni, dicto Fort-Anier2, presbitero de Briis, quod quoddam feodum quod de me tenebat, situm apud Joiacum, tam illud quod tenebat in propria manu quam quod tenebant alii ab ipso, in pratis videlicet, vineis, virgultis, terris arabilibus, masuris et omnibus aliis ubicumque fuerint ad predictum feodum pertinentibus, posset in manu mortua tenere et illud in manu mortua elemosinare, cuicumque vellet et ubi vellet, pro sue voluntatis arbitrio3, et predictus Gilo supradictum feodum religiosis viris abbati et conventui Vallium Sarnaii dederit et concesserit, in puram et perpetuam elemosinam, in manu mortua, in perpetuum possidendum, predictam donationem dictis religiosis factam adhuc ego volo, laudo et approbo etconcedo, ita ut predictum feodum cum omnibus pertinentiis suis dicti religiosi, libere et pacifice, in perpetuum, in manu mortua, teneant, sicut superius est expressum ; promittens bona fide quod contra omnia premissa vel quodlibet premissorum, per me vel per alium, non veniam in futurum. Et ut hoc firmum et stabile in perpetuum maneat, presentes litteras sigilli mei munimine roboravi. . » 1
