De quitacione partis cujusdam domus in vico sancti Jacobi de Vernone.
- A Original en parchemin. — Inv., p. 72, l. 2, nº 3 bis.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus presentes litteras inspecturis, officialis curie Parisiensis, salutem in Domino : Notum facimus quod Petrus, dictus le Comte, filius et heres quondam defuncti Roberti, dicti le Comte, quittavit penitus et expresse talem partem qualem habebat vel habere poterat, ratione quacumque seu ratione successionis defunctorum Yvonis, dicti Serjent, et Ausendis, ejus uxoris, quondam matertere dicti defuncti Roberti, ut dicebat idem Petrus, in quadam domo, sita in vico sancti Jacobi de Vernone1, ante domum Jeuberti Pelliparii, ex una parte, et inter domum que fuit Eremburgis la Soumenelière, ex altera, religiosis viris abbati et conventui Vallium Sarnay ; transferens in eosdem religiosos omne jus, dominium, proprietatem, etc..................... In cujus rei testimonium, ad pelicionem dicti Petri, sigillum curie Parisiensis presentibus litteris duximus apponendum. .
