Carta Radulphi de Bendevilla militis, de dimidio modio bladi in campiparte de Bendevilla, ex dono Symonis militis fratris sui. "
- A Original en parchemin. — Inv., p. 137, l. 3, nº 11.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Ego Radulfus de Bendevilla, miles2, notum facio universis quod bone memorie Symon, frater meus, miles, dedit, pro remedio anime sue et antecessorum suorum, monachis Vallium Sarnaii, dimidium modium bladi percipiendum, annis singulis, in molendino suo de Ermenovilla, circa . Quem dimidium modium bladi ego predictus Radulfus, de assensu et voluntate Isabellis, uxoris mee, et Radulfi, filii mei, excambiavi dictis monachis pro dimidio modio ybernagii percipiendo, in campiparte mea de Bendevilla, singulis annis, ; tali condicione quod si de campiparte perfici non potuerit, de lucrodio meo de Bendevilla perficietur. Hoc excambium ego sepedictus Radulfus et heredes mei tenemur bona fide predictis monachis garantire. Quod si forte contigerit ut sepedicti monachi non possint predictum dimidium modium ybernagii pacifice possidere, ego et heredes mei tenemur eis in alio loco competenter excambire. Quod ut ratum in perpetuum perseveret, presentes litteras sigilli mei munimine roboravi. Actum .
