" C. officialis Parisiensis, de admodiatione decime de Hermenon, ad vitam magistri Bartholomei de Caprosia. "
- A Original en parchemin scellé1. — Inv., p. 90, l. 2, nº 1.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, officialis curie Parisiensis, salutem in Domino : Notum facimus quod Guillelmus Maace de Cabrosia recognovit quod cum ipse, de voluntate et assensu Margarite, uxoris sue, vendidisset magistro Bartholomeo de Cabrosia, ad opus ecclesie Vallium Sarnaii, totam decimam totius terre sue de Ermenon1, idem Guillelmus recepit a dicto magistro Bartholomeo eamdem decimam ad admodiationem, pro dimidio modio bladi, medietate mixtolii et medietate avene, singulis annis, quamdiu idem magister vixerit eidem a dicto Guillelmo, uxore sua, vel heredibus suis, , libere et quiete, persolvendo. Margarita vero, uxor prefati Guillelmi, dictam admodiationem dicte decime, secundum quod facta est, et prenominata voluit, laudavit et concessit, et ad eam sic tenendam, fide prestita corporali, in manu magistri Galteri de Cabrosia, presbiteri suiparrochialis, ad hoc specialiter destinati, sicut coram nobis idem Galterus presbiter recognovit, spontanea voluntate se obligavit. In cujus rei testimonium, presentes litteras sigillo curie Parisiensis fecimus roborari. Actum .
