" C. officialis Parisiensis, de II solidis censualibus nobis im perpetuum remissis et quitatis a Clemente Rousel et Maria uxore ejus de Montibus, pro VIIIo libris parisiensibus et quadam pecia vinee. "
- A Original en parchemin. — Inv., p. 65, l. 7, nº 21.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, officialis curie Parisiensis, salutem in Domino : Notum facimus quod Clemens, dictus Rosel, de Montibus, Maria, ejus uxor, et Petrus, dictus Major, de Montibus, asseruerunt quod ipsi habebant et percipiebant annuatim duos solidos parisienses augmentati census sive annui redditus, super quadam pecia terre arabilis, sita apud Athyes-seur-Ourge, contigua chemino de Champaigne, ex una parte, et terre Johannis Cocherel, ex altera, ut dicebant ; que pecia terre, continens quatuor arpenta vel circiter, ut dicebant, est religiosorum virorum abbatis et conventus Vallis Sernay, ut dicebant. Quos si quidem duos solidos parisienses annui redditus sive census predicti Clemens, Maria et Petrus recognoverunt et confessi sunt se remisisse et im perpetuum quittavisse predictis abbati et conventui Vallium Sernay et eorum successoribus in futurum, pro quadam pecia vinee, continente circiter arpentum et dimidium, sita apud Montes, in vico qui vocatur Dorillart1, contigua vinee Margarite, relicte defuncti Andree Regis, in censiva domini de Montibus, ad duodecim solidos parisienses, ut dicebant dicti homines, censuales, et pro octo libris parisiensibus, jam sibi solutis in pecunia numerata, ut confessi sunt coram nobis ; renunciantes, etc.............................. .
