Universis presentes litteras inspecturis, magistri Radulphus de Gonessa, officialis Carnotensis2, et Richerus de Blesis, canonici ecclesie Carnotensis, salutem in Domino : Notum facimus quod cum discordia esset inter capitulum Carnotense, ex una parte, et religiosos viros abbatem et conventum Vallium Sernei, ex altera, super divisione vendarum cujusdam domus site in claustro Carnotensi, quam domum dominus M[atheus] de Gallanda, archidiaconus Dunensis, emerat, ut dicitur, ab exequtoribus defuncti Petri de Castriduno, clerici, pro octingentis libris ; que domus fuit reverendi patris domini R[oberti] de Curteneto1, Aurelianensis episcopi, quondam decani Carnotensis. Pars cujus domus, videlicet major aula et camera continua eidem aule a parte posteriori cum logis anterioribus2 et curia de medio, est de censiva dictorum religiosorum ; reliqua pars de censiva capituli Carnotensis, ut a bonis tam a Carnotensi capitulo quam burgensibus Carnotensibus intelleximus. Tandem, post multas dissensiones, dicte partes super dicta discordia dividendi vendas inter partes in nos hac vice compromiserunt. Nos vero, consilio habito cum pluribus bonis viris, dictas vendas, cujus summa est sexaginta sex libre et tresdecim solidi et quatuor denarii, dividimus, et nostrum arbitrium protulimus in hunc modum quod dicti religiosi habeant pro parte sua quadraginta duas libras, et capitulum residuum habebit, scilicet viginti quatuor libras et tresdecim solidos et quatuor denarios. In cujus rei testimonium et manimen, presentibus litteris sigilla nostra duximus apponenda. Datum anno Domini Mº CCº LXº, mense martio.

1 « Thomas.