" Carta magistri Jacobi decani Vernonensis, de VIII denariis redditus quos nobis vendidit Renaudus de Escoz. "
- A Original en parchemin scellé1 — Inv., p. 72, l. 2, nº 2.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint aniversi presentes et futuri quod ego Renaudus de Escoz, clericus, vendidi et concessi abbati et conventui Vallium Sarnaii, octodecim denarios parisienses annui redditus quos ipsi, singulis annis, , michi reddebant de tenemento quod ipsi tenebant de me per eumdem redditum, predictis abbati et conventui in perpetuum retinendos, absque ulla mei de cetero et heredum meorum reclamatione, pro viginti solidis parisiensibus, quos inde presentialiter recepi. Si autem dicti abbas et conventus super hac venditione, per defectum garantie, dampna et deperdita incurrerint, ego dictus Renaudus dictis abbati et conventui in contraplegium assignavi quinque solidos parisienses redditus quos Ricardus Fullo michi debet de domo sua sita inter domum Sancti Wandregisili, ex una parte, et domum Radulphi de Liebecort, ex altera, ad dampna et deperdita sua, valore ad valorem, restauranda. Et ad hec predicta fideliter tenenda et garantizanda, ego dictus Renaudus, magistro Jacobo, decano de Vernone, fidem meam tradidi corporalem. Et ut hoc firmum et stabile perseveret, ego dictus Renaudus presens scriptum sigillo meo confirmavi. Et ad majorem hujus rei confirmationem, ad petitionem utriusque partis, dictus decanus presenti scripto sigilli sui munimen apposuit. Actum .
