Carta regis Francorum de elemosinis Havisæ de Urmeio.
- B Copie. — Déclaration de 1511, p. 147.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
In nomine sanctæ et individuæ Trinitatis, amen. Philippus, Dei gratia, Francorum rex : Noverint universi, præsentes pariter et futuri, quod domina Havisa de Hurmeio, ob remedium animæ suæ, monachis de Sarnaio domum suam, quam ipsa habebat apud Corbolium, cum tota porprisia, concessit in elemosina, in perpetuum possidendam ; et preterea decem arpennos pratorum apud Ruissi, juxta prata monachorum ; et quinque arpennos terræ : Chesneio omnino liberos et quietos ; et molituram in molendinis suis de Urmeio, post primum quem ibi molentem invenerint, de omnibus granchiis, quas habent præfati monachi in castellaria de Corbolio et quas habituri sunt ; et etiam quemdam arpennum vineæ, quem tenet Gaufridus, post decessum ipsius Gaufridi. Facta quidem fuit ista concessio in præsentia Ebroini, Rembodi et Nicolai, clerici ; et Johannis Ebroini. Quod, ut ratam et inconcussam sortiatur stabilitatem, sigilli nostri auctoritate confirmatur. Inde est quod baillivis et præpositis nostris districte præcipimus, quatenus ipsi istam elemosinam et omnes conventiones legitimas sigillo nostro confirmatas illibate faciant observari, belli et placiti omni occasione relegata ; quod nisi fecerint, tam corpore quam possessione, nostram merciam noverint incurisse. Actum Parisiis, .
